Club foto1 compressed

Achterin Raotum geet een lang lint van FTC Kotten fietsers deur ’t landschap alsof ’t kraanvöggele bunt dee op weg gaot naor Afrika. In ‘t geval van de fietsers ligt ’t einddoel neet zo wiet weg: Umme half twaalf wordt de groep weer verwacht bi’j de Lindebeumer veur arftensoep met bokbier, ter gelegenheid van de opening van ’t mountainbikeseizoen. De B-groep zal dan ook weer terugge wezzen van hun rit richting Woold.
Nao ’t zommerseizoen op de reesfietse is ‘t allemaole nog wat onwennig sturen ovver de smalle paekes met gladde boomwortels.

Met de hande op ’t stuur toer ik deur ’t Woold richting de HaortMaert löp op zien ende en hier en daor staot de sleedeurne prachtig te bleuien. ’t Eerste jonge blad löt zich fris greun an sommige beume en struuken zeen en op sommige plaatsen zit al ne tjiftjaf of een geeteling te fluiten. Normaal zol i’j teggen d’n fietser naost ow zeggen dat ’t veurjaor d’r noo toch echt an zit te kommen. Of anders zol i’j met um ovverneerd hebben dat ’t toch wal heel mooi is dat de Graafschap volgend seizoen weer in de eredivisie zal spöllen.

En desnoods had i’j naor ziene preakeri’je e’luusterd ovver hoo hard en hoo wied hee de veurige waeke op ziene ni’je fietse e’reane had. Maor disse keare: Niks van dat al. I’j heurt alleene o’w eigen ketting den best wat ollie broeken kan en in o’w eentjen martel i’j teggen de wind in. Niemand umme achter te kroepen en niemand um met te praoten. I’j mot eerst o’wzelf een schup onder de konte gevven umme de fietse oet de schoppe te pakken, daornao mo’j alleene trappen en ook alleene opletten of i’j op tied links en rechts gaot en ook a’j een lekken band kriegt dan stao’j d’r alleene veur.

’t is prachtig dat een jubileumjaor veural oet hoogtepunten besteet! De jubileumcommissie hef d’r veur e’zorgd dat d’r elken maond zo’n hoogtepunt te vieren völt.

’t begon al met d’n Trias tocht, den meer deelnemmers trok dan d’r ooit eerder e’west wazzen: 2335 mensen oet heel Nederland, maor ook oet Pruusen,  België en nog een paar landen stonden met een mountainbike an d’n start!! Van heinde en verre wazzen ze naor d’n tocht van FTC Kotten e’kommene en vanaf de Bataafseweg tut an de Lindebeumer stonden beide barme van d’n parrèlweg vol met geparkeerde auto’s. D’r waren alleene al 35 verkeersregelaars en al met al leepen en fietsten d’r wal 200 vri’jwilligers rond. Good dat FTC Kotten inmiddels zo’n 300 leden hef, want anders ko’j dat toch gaar neet veur mekaare kriegen.

route

Wil je graag een speciale route fietsen deel deze dan met je fietsvrienden. Stuur een email naar Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. en wij zullen hem publiceren.